तुझा हात हातात घेऊन................

तुझा हात हातात घेऊन
मला दूरदूर फिरायचय
पट पट चालत नाहीस
म्हणून तुला खूप रागवायच य

फुगलेले तुझे गाल बघून
परत समजवायच य
तुझ्या गालावरच्या अश्रूंना
माझ्या ओठांनी तिपायचय

तुझा हात हातात घेऊन
मला दूरदूर फिरायचय
सोनेरी कोवळ्या उन्हात
चमकत्या पाण्यात उतरायच य

तुझ्या लटक्या नकारात
तुला चिंब भिजवायच य
ओल्या मिठीत तुझ्या
तासन्तास हरवायच य

तुझा हात हातात घेऊन
मला दूरदूर फिरायचय
पायात काटा मोडला म्हणून
तुला कवेत घ्यायच य

थोडे अंतर का होईना
तुझ्या डोळ्यांत बघून चालायच य
अचानक जाणीव येताना
पापनीला झुकताना बघायच य

तुझा हात हातात घेऊन
मला दूरदूर फिरायचय