कविता.........

नियतीचा हा खेळ निराळा
खेळात लागलो चिरडू ग
कळत नाही माझे मलाच
हे काय लागल घडू ग ?

पेचात पडायचो मी सगळ्यांना
लागले प्रश्न मज पडू ग
कळत नाही माझे मलाच
हे काय लागल घडू ग ?

तूच होतीस आवड माझी
लागल कोण आवडू ग
कळत नाही माझे मलाच
हे काय लागल घडू ग ?

तूच होतीस राणी स्वप्नांची
तुझ्या विनाच स्वप्ने सारी
मला लागली पडू ग
कळत नाही माझे मलाच
हे काय लागल घडू ग ?

बोललो नाही कधी तुझ्याशी
तर जेवण जात नव्हत ग
बोललो नाही जरी तुझ्याशी
तरी लागलो हादडू ग
कळत नाही माझे मलाच
हे काय लागल घडू ग ?

पाहिलं नाही कधी तुला
तर चैन मला न पडे ग
दूर निघालीस तू माझ्या पासून
तरी येईना रडू ग
कळत नाही माझे मलाच
हे काय लागल घडू ग ?

करत असशील खारे प्रेम तर
माफ कर तू मला
विसरून जा तू सगळ काही
नको माझ्यावर चिडू ग
कळत नाही माझे मलाच
हे काय लागल घडू ग ?